Se
imos comprar a um herbolário um remédio para a infecçom de urina,
seguro que nos oferecem a “Gayuba”, a Uva-de-Urso, que é umha
prima das alturas das nossas urzes e queirugas, que nom nasce na
Galiza. Mas, em geral, quase todas as da família das ericáceas som
diuréticas e tem propriedades anti-sépticas e anti-inflamatórias
das vias urinárias, som comuns
e recolhem umha cheia de espécies que fam com que as podamos ter a
mao, praticamente,
em qualquer momento do ano. Som:
-As
Ericas,
conhecidas por urzes, queirugas, quirogas, carpazas, carrascos,
urrigatas,.. som umha planta muito característica dos nossos montes.
Som as da característica cor violáceo-rosada
das nossas primaveras, ainda que também as hai brancas, e a sua
floraçom estende-se até o outono, dependendo da espécie (hai 10
espécies distintas)
-O
érvedo, ou servado, ou albedro,.. o Arbutus unedo,
do que se aproveitam as folhas em infusom. Como é um arbusto
perennifólio, nom teremos problemas em topar o remédio, nas zonas
de clima mediterráneo do país, onde é mais abundante, ainda que o
podemos topar com certa facilidade por toda a geografia galega.
-A
erva dos arandos ou arandeira, Vaccinium myrtillus,
que agora é mais difícil de topar silvestre ao ter sido umha das
espécies mais castigadas polas vagas de lumes que sofre a nossa
Terra. O jeito mais agradável de aproveitar as suas propriedades e
incluir na nossa alimentaçom os seus deliciosos frutos.
Outros remédios mui
recurridos na nossa tradiçom medicinal som:
-a
barba do milho, que se apanha quando se pom ruiva e se seca a sombra.
Olho com o milho do que apanhamos as barbas, e o jeito em que foi
cultivado e tratado posteriormente!
-os
rabos das cereijas, que se vam apartando quando comemos o fruto, e
mesmo se podem ir apanhar em caso de urgência ao pé dumha cerdeira,
muitos messes após a frutificaçom da árvore.
-o
chapiço ou erva dos amores, Galium aparine, mui comum em
hortas e jardins. Os seus nomes fam referência ao pegadiça que é,
pois engancha na roupa como noutras ervas e nom solta.
-o
ravo de cavalo, as do género Equisetum, que é umha planta
diurética e remineralizante.
-o tomilho, Thymus
pulegioides, outra das plantas que nom deve faltar em nenhum
botiquim natural polas suas múltiplas aplicaçoes.